Lajmet e Futbollit Ketu

Te gjitha Lajmet e reja nga Futbolli Transferet e lojtareve si dhe qdo gje rreth futbollit por duhet ta keni parasysh qe te mos behen koment

Kaka në Milan deri në vitin 2013

Braziliani Kaka ka zgjatur kontratën me Milanin deri në qershor të vitit 2013, ka bërë të ditur sot klubi kampion i Evropës.


Futbollisti më i mirë i botës në vitin e kaluar sipas FIFA-së, ka pasur kontratë të vlefshme me Milanin deri në vitin 2011, por drejtuesit e klubit kuqezi vendosën që ta sigurojnë edhe për dy vjet tjera, pas interesimit të vazhdueshëm të Realit, Barcelonës dhe Çelzit, të cilët me çdo kusht instistonin ta transferonin 25-vjeçarin brazilian në radhët e tyre. Detajet financiare të kontratës së re nuk janë bërë të ditura, por sipas mediumeve italiane Kaka tashmë do të fitojë 9 milionë euro në vit.

Benitez: Xherard ka të drejt, po luajmë dobët në Ligën Premiere

Pasi kapiteni i Liverpulit, Stiven Xherard ka shprehur zhgënjimin që skuadra e tij nuk është në gjendje të luftojë për titullin e kampionit, në lidhje me këtë çështje para gazetarëve ka folur edhe trajneri Rafael Benitez.


"Në prag të çdo edicioni shpresojmë për të luftuar për titullin kampioni, por që në muajin janar i humbim të gjitha gjasat për titull. Nuk më intereson lufta për vendin e katërt, seëse ambiciet tona janë më të mëdha. Nuk mund ta shoh më renditjen dhe ngecjen tonë të madhe ndaj skuadrave kryesuese, si dhe nuk mund të dëgjoj zërat që flasin se edicionin e ardhshëm do të jetë më mirë", ka theksuar Xherard. Ndërkohë, trajneri Rafael Benitez ka reaguar në mënyrë të qetë në deklaratën e Xherardit. "Të gjithë ne në Liverpul ndajmë të njëjtat ndjenja me Stivenin. Do të dëshironim të ishim në një pozitë më të mirë në renditje, por është fakt se nuk jemi dhe kjo na bënë të zhgënjyer. Megjithatë, tash duhet të përqendrohemi në atë që mund ta bëjmë, e ai është suksesi në Ligën e Kampionëve", ka pohuar Benitez, duke shtuar: "Jam i sigurt se shumë klube do të dëshironin që në këtë garë të kishin rezultatet të cilat i kemi pasur ne, kurse në kampionat jam i bindur se do të arrijmë të renditemi në mesin e katër skuadrve të para".

Ronaldinjo: Nuk do të nënshkruaj kontratë të re me Barcelonën

Pas gjashtë muajsh heshtjeje, ylli i Barcelonës, Ronaldinjo ka dalë para gazetarëve në një konferencë shtypi. Rreth statusit të tij jostabil në skuadrën katalanase, Ronaldinjo u shpreh:


"Nuk mund ta paramendoj vetën si lojtar rezervë, i cili rregullisht hyn në lojë nga banka e zëvendësuesve. Gjithmonë mundohem të jem pozitiv derisa luaj. Jam i motivuar maksimalisht çdo ditë për t'i ndihmuar skuadrës dhe mendoj se Barcelona do të ketë më së shumti dobi, nëse do të jem në lojë vazhdimisht gjatë tërë 90 minutave". Megjithatë, Ronaldinjo ka thënë se e kupton politikën e rotacionit të trajnerit Frank Rajkard, duke pasur parasysh orarin e ngjeshur të ndeshjeve, por edhe numrin e madh të futbollistëve cilësor. "Nëse i duhem trajnerit për ndeshjen e së shtunës ndaj Atletikos në Madrid, unë jam i gatshëm", ka pohuar Ronaldinjo. Në pyetjen rreth së ardhmes, ish-futbollisti më i mirë në botë është përgjigjur: "E ardhmja ime i takon Zotit. Vetëm ai e di ku do të përfundoj. Mund të them se edhe më tej e shoh vetën në fanellën e Barcelonës, mirëpo nuk besoj se do të nënshkruaj kontratë të re. Kontrata aktuale vlen deri në vitin 2010 dhe mendoj se është e mjaftueshme. Pas moshës 30-vjeçe ndoshta do të kërkojë të ndryshoj ambientin”, ka përfunduar Ronaldinjo

Reali ndëshkoi Diarrën

Futbollisti i Realit të Madridit, Mamadu Diarra, është ndëshkuar nga ana e klubit me marrjen e pagës mujore (rreth 300 mijë euro), pasi është vonuar për t’u kthyer në klub nga Kupa e Kombeve të Afrikës.


Futbollisti i kombëtares së Malit është i pakënaqur me statusin e tij në Real, kurse menaxheri i tij ka konfirmuar se Diarra nuk e meriton një tretman të tillë dhe se e ardhmja e tij është në ndonjë klub tjetër. Si destinacion i tij i ardhshëm përmendet Interi.

Xhon Terri: Kam filluar të luaj me 45 funta pagë javore

Në një bisedë për uebfaqen e klubit të Çelzit, futbollisti i kësaj skuadre dhe i kombëtares së Anglisë, Xhon Terri ka pohuar se dëshiron të mbetet gjithmonë në "Stamford Bridge".


"Nuk mund ta mendoj vetën askund tjetër, as që mund ta mendoj largimin nga Çelzi. E dua këtë klub dhe e kam në zemër", ka theksuar mbrojtësi 27-vjeçar. "Asnjëherë nuk vij në stërvitje apo ndeshje vetëm sa për të kryer punën. E barti klubin me vete çdo ditë edhe në shtëpi. Pasi të arrij në shtëpi e ndezi televizorin dhe e shikoj 'Chelsea TV'. Shpesh kam dëshirë të telefonoj dhe të shpreh mendimin tim si tifoz, por më pas më bie ndërmend se një gjë e tillë nuk më lejohet", ka shtuar Terri. Sipas Territ në fillim të karrierës si senior ka fituar vetëm 45 funta në javë. "Kam punuar intensivisht për të ardhur në këtë pozitë që jam. E vlerësoj statusin tim dhe edhe më tej punoj njëjtë. Disa njerëz qeshin me mua, pasi çdo ditë në stërvitje, që fillojnë në ora 10:00, unë nisem nga shtëpia në orën 8:45, edhe pse stadiumin e kam larg shtëpisë vetëm 5 minuta. Megjithatë, mua nuk më duket diçka qesharake kjo, sepse me padurim pres që t'i filloj stërvitjet", ka përfunduar Terri, i cili momentalisht është njëri nga futbollistët më të paguar në botë, me 13,500 funta në javë.

Liverpuli vendos ta mbajë Krauçin

Pasi kanë siguruar qëndrimin e Havier Maskeranos, zyrtarët e Liverpulit kanë filluar bisedimet për zgjatje të kontratës edhe me Piter Krauçin.
E ardhmja e futbollistit të kombëtares angleze në "Anfield" është vënë në dyshim pas ardhjes në skuadër të Fernando Torresit dhe kjo u mundësoi shumë klubeve të tjera në Ligën Preimere që të përgatisin ofertat për të. Megjithatë strategu Benitez ka vendosur ta mbaj Krauçin, duke i ofruar atij një kontratë afatgjate. Ishte vet Benitezi që bëri publik lajmin e fillimit të bisedimeve duke thënë se Krauçi ka kërkuar që të mos larohet nga Liverpuli.

Pato i bindur: Milani në Ligën e Kampionëve
Ylli i ri i Milanit, 18-vjeçari brazilian, Pato, ka pohuar se është i bindur se skuadra e tij do të sigurojë pjesëmarrjen në Ligën e Kampionëve edhe në edicionin e ardhshëm.


Pato ishte realizator i golit të fitores për Milanin në ndeshjen e së shtunës si mysafire ndaj Torinos, me rezultat 1:0, që ishte goli i shtatë në 13 ndeshjet e zhvilluara në fanellën kuqezi në Serie A. Ndonëse Milani edhe më tej ngec katër pikë ndaj Fiorentinës, që zë pozitën e katërt, e cila dërgon në Ligën e Kampionëve, Pato është i bindur se skuadra e tij do ta shkrijë këtë ngecje. "Jam optimist dhe i bindur se do të luajmë në Ligën e Kampionëve edhe në edicionin e ardhshëm", ka thënë Pato, i cili në lidhje me golin e shënuar ndaj Torinos ka shtuar: "Nuk jam unë meritori për golin e shënuar. Të gjitha meritat i takojnë Xhilardinos, unë nuk e kisha të vështirë të dërgojë topin në portë", ka pohuar Pato.

Morati do ta takojë Murinjon
Ish-trajneri i Çelzit, Hose Murinjo do të takohet me presidentin e Interit, Masimo Morati, kanë bërë të ditur mediat në Itali.


Gjithnjë sipas raportimit të mediave, zyrtarë të lartë të skuadrës së Interit e shohin strategun portugez Murinjo si zëvendësuesin më të qëlluar për Mançinin në edicionin e ardhshëm. Një burim i brendshëm ka bërë të ditur gjithashtu se Murinjo e Morati do të takohen javën e ardhshme për të diskutuar çështje të tjera lidhur me këtë marrëveshje. Murinjo do të takohet me Moratin për t’i qartësuar gjërat ka bërë të ditur menaxheri i portugezit Horge Mendez. Gjasat janë të mëdha që 45-vjeçari Murinjo të marrë timonin e zikaltërve, pasi ai me këtë klub ka qenë i lidhur edhe në kohën sa ishte te Çelzi.

Valencia mposhti Realin në "Santiago Bernabeu"
Barcelona vazhdon të jetë në garë për titull kampioni me Real Madridin, pasi ka shënuar fitore ndaj skuadrës së Valadolidit, me rezultat bindës 4:1, derisa skuadra madrilene ka pësuar humbje ndaj Valencisë.
Golat për Barcelonën në këtë sfidë i realizuan Eto (24'), Iniesta (47') dhe Kërkiç (62', 84'), derisa golin e nderit për mysafirët e realizoi Sesma (31'). Pas kësaj fitoreje, Barcelona ngec vetëm katër pikë ndaj Real Madridit, që pësoi në "Santiago Bernabeu", 2:3 kundër Valencisë. Golat për Realin i shënoi Raul (35', 56'), kurse për Valencian realizuan Villa (33', 67') dhe Arizmendi (88'). Një fitore të tejet të rëndësishme e realizoi edhe Valadolidi si mysafir në duel me skuadrën e fundit në renditje, Levanten, me rezultat 2:1. Golat për Vilarealin i shënuan Fernandez (27') dhe Franko (82'), derisa golin e barazimit të përkohshëm për Levanten e shënoi Anhel (64'). Ndërkohë Mursia i ka dhënë fund serisë prej dhjetë ndeshjeve pa fitore, duke e mposhtur Espanjollin, me rezultat bindës 4:0.




Rezultatet
Majorka – Deportivo 1:0
Sevila - Atletiko M. 1:2
Barcelona – Valadolid 4:1
Levante – Vilareal 1:2
Osasuna – Betis 0:1
Rasing – Rekreativo 2:0
Mursia – Espanjol 4:0
Saragoza – Almeria 1:1
Real M. – Valencia 2:3

Tabela
1.Real M. 29 62
2.Barcelona 29 58
3.Villarreal 29 56
4.Atletiko M. 29 50
5.Rasing 29 47
6.Sevilla 29 45
7.Espanjol 29 45
8.Valencia 29 40
9.Hetafe 28 39
10.Almeria 29 39
11.Majorka 29 37
12.Atletik B. 28 36
13.Betis 29 35
14.Osasuna 29 34
15.Deportivo 29 34
16.Saragoza 29 33
17.Valadolid 29 32
18.Rekreativo 29 32
19.Mursia 29 26
20.Levante 29 19

Venger: Golin e parë e pësuam nga ofsajdi

Trajneri i Arsenalit, Arsen Venger është mjaft i mllefosur me ndarjen e drejtësisë në ndeshjen kundër Çelzit, ku skuadra e tij pësoi humbje 2:1. Pas kësaj humbjeje, Arsenali ka humbur disi hapin për titull, pasi tash zë pozitën e tretë dhe ngec madje 6 pikë ndaj Mançester Junajtedit.



"Natyrisht se kampionati nuk ka marrë fund ende. Ne nuk do të dorëzohemi, derisa të zgjasë kampionati", ka pohuar Venger, i cili më pas ka komentuar disa situata gjata ndeshjes. "Është evidente se golin e parë e kemi pësuar nga një pozitë e pastër jashtë loje. Gjyqtari gaboi rëndë, por nuk do të kthehemi e ta vajtojmë këtë rast. E kontrolluam lojën gjatë pjesës më të madhe të ndeshjes, por fatkeqësisht gjithçka u kthtye kundër nesh", ka theksuar Venger. Në anën tjetër tek kampi i të kaltërve gëzimi ishte i madh për këtë fitore. "Të gjithë futbollistët e Çelzit besojnë se mund të bëhemi kampion. Do të bëjmë përpjkeje maksimale për ta kryer me sukses këtë punë, pra që të bëjmë kthesë të madhe edhe në renditje. Mançester Junajtedi nuk është i paprekshëm dhe nuk ka ikur shumë. Por, gjithashtu mendoj se ende duhet të kemi kujdes ndaj Arsenalit, sepse ai ende është gjallë", ka theksuar heroi i fitores së Çelzit, Didie Drogba.

Barcelona po provon prej ditesh megjithse ka pak mundsi qe rrembeje portieri
brazilian Julio Cezar nga kampionet e Italis.Titullari i zikalterve ka nje kontrat
deri ne vitin 2012 me Interin te cilin e ka rinovuar para pak muajsh dhe askush
nuk kerkon te privohet nga nje garanci ne katerkendeshin e portes.Pas ofertes
ne vere te drejtusve te Barcelones ka ardhur edhe nje mesymje tjeter per Hulio
Cezar pas paraqitjeve shume te mira te brazilianit ne ndeshjet e Seria A.Agjenti
i lojtarit ka takuar zyrtaret katalanas per te mesuar detajet e reja ne tavolin e
negociatav po ende nuk eshte vendosur asgje .Hapi tjeter eshte takimi mes
presidenteve te dy klubeve dhe Morati mund te mendoj te largoj portierin drejt
Barces vetem per nje emer te madh .Nese Julio Cezar do te kaloj ne Katalonje
atehere do te jete me afer edhe dhurata e 100 vjetorit te INTERIT me Messin apo
Ronaldinjon..

Me RespeKT eCo

Luka Toni dërgon Bajernin në gjysmëfinale të Kupës UEFA

Bajerni i Munihut, Zeniti, Fiorentina dhe Gllasgou Renxhersi janë kualifikuar në gjysmëfinale të Kupës së UEFA-së.
Skuadra spanjolle, Hetafe ka qenë shumë afër qëllimit për ta eliminuar Bajernin, por pesë minutat e fundit të lojës shtesë ishin fatal për këtë skuadër. Fillimisht u përjashtua me karton të kuq, De la Reda, kurse më pas Luka Toni shënoi dy herë në minutat 115-të dhe 120-të, duke ia siguruar kualifikimin skuadrës bavareze. Në gjysmëfinale do të takohen Bajern-Zenit dhe Gllazgou Renxhers - Fiorentina.

Rezultatet
Zenit - Bajer Leverkusen 0:1 (4:1)
Bulikin 18'

Hetafe - Bajern M. 3:3, pas lojës shtesë (1:1)
Kontra 44', Kaskero 91', Braulio 93' - Riberi 89', Toni 115', 120'

Sporting - Renxhers 0:2 (0:0)
Darshevil 60', Vitaker 90'

PSV - Fiorentina 0:2 (1:1)
Mutu 38', 53'
P.S. Në kllapa rezultatet e ndeshjeve të para.

Ndeshja e parë Barcelona-Mançester Junajted mbyllet pa gola

Gjysmëfinalja e dytë në Ligën e Kampionëve, ndërmjet Barcelonës dhe Mançester Junajtedit, që u zhvillua sonte në "Nou Camp" ka përfunduar pa gola, 0:0. Barcelona ishte dukshëm skuadër më e mirë dhe pati shumë raste për shënim, por nuk arriti t'i konkretizojë.
Në anën tjetër, Mançester Junajtedi u mbrojt me sukses, kurse rastin më të mirë për të shënuar gol e lëshoi portugezi, Kristiano Ronaldo, i cili në minutën e tretë nuk e realizoi penalltinë. Në këtë mënyrë gjithëka rreth skuadrës, e cila do ta marrë biletën për finalen e Moskës do të përcaktohet në ndeshjen e kthimit që zhvillohet në "Old Trafford" të martën e ardhshme

Ibrahimoviq: Do të dëshiroja të luaja në Angli ose Spanjë

Sulmuesi suedez në radhët e Interit dhe njëri nga futbollistët më të mirë në botë, Zlatan Ibrahimoviq, ka pohuar se një ditë do të dëshironte që të luante në Spanjë ose Angli.
Për shërbimet e tij veçmas janë të interesuar Real Madridi dhe Çelzi, të cilët gjatë kësaj vere janë të gatshëm të paguajnë 70 milionë euro. Ibrahimoviq nënshkroi për Interin në verën e vitit 2006, pasi skuadra e Juventusit u dëbua në Serie B, për shkak të skandalit të kurdisjes së ndeshjeve. "Ndjehem mirë në Itali, por asnjëherë nuk dihet se çfarë sjell e ardhmja. Do të dëshiroja të luaja në Spanjë apo në Angli, pasi atje luhet futboll teknik, ashtu si në Itali", ka pohuar Ibrahimoviq, i cili kohët e fundit është duke pasur probleme me lëndimin e gjurit. Ndeshja e fundit në të cilën ka luajtur sulmuesi zikaltër është ajo kundër Lacios (1:1) më 29 mars.

Toti: Duhet të jemi realist, nuk mund ta fitojmë titullin

Kapiteni i Romës, Françesko Toti, në një intervistë për "Rai Uno", thuajse ia ka uruar futbollistëve të Interit titullin e kampionit.
"Në jetë duhet të jesh real. Mendoj se ne i kemi humbur të gjitha gjasat për titullin e kampionit në Itali", ka pohuar Toti, i cili ndodhej në spitalin e kryqytetit italian, ku të shtunën iu ka nënshtruar një ndërhyrjeje kirurgjike në ligamentet e kyçit të gjurit të djathtë. "Mendoj se gara për titull është 99 përqind e mbyllur. Kanë mbetur të luhen edhe katër ndeshje, kurse ne ngecim 6 pikë. Me barazimin ndaj Livornos ne kemi humbur të gjitha shpresat. Megjithatë, ne luftuam deri në fund dhe nuk i lejuam Interit të ndjehet i qetë, por duhet të tregohemi të sinqertë sepse Interi e ka merituar titullin", është shprehur Toti, i cili në fund ka folur edhe për njërin nga futbollistët më të pëlqyer nga dashamirët e futbollit në Itali. "Del Piero është një fitues i lindur. Ai po luan shkëlqyeshëm dhe kombëtares i duhet një lojtar i tillë", ka përfunduar Toti.

Prishtina-Trepça'89, Vëllaznimi - Besa, çiftet gjysmëfinaliste

Sot në lokalet e Federatës së Futbollit të Kosovës, në prani të përfaqësueseve të klubeve, u bë tërheqja e shortit për ndeshjet gjysmëfinale të Kupës së Republikës së Kosovës, për edicionin 2007/08.
Në bazë të shortit të tërhequr në gjysmëfinale do të takohen Prishtina-Trepça’89 dhe Vëllaznimi-Besa. Ndeshjet e para do të zhvillohen më 30 prill (e mërkurë) në ora 16:00, në Prishtinë, përkatësisht në Gjakovë, kurse ndeshjet e kthimit më 7 maj (e mërkurë), po ashtu në orën 16:00, në Mitrovicë, përkatësisht në Pejë.

Kapello: Bekami mund të luajë në Botërorin-2010

Përzgjedhësi i kombëtares së Anglisë, Fabio Kapello, ka pohuar se Dejvid Bekami mund të luajë në Kampionatin botëror-2010 në Afrikën e Jugut, në rast se arrin të ruhet nga lëndimet.
"Për Dejvidin dyert janë të hapura. Ai ka luajtur mjaft mirë në ndeshjen ndaj Francës, kurse nganjëherë e shikoj edhe kur luan në Amerikë për skuadrën e tij, Los Anxhelos Galaksi", ka pohuar Kapello. "Ka shumë futbollistë, të cilët luajnë në moshën 33 dhe 34 vjeçe. Ata e kuptojnë se nuk janë fizikisht sa duhet të përgatitur si më parë dhe për këtë arsye i kushtojnë vëmendje shëndetit, ngase janë të vetëdijshëm se gjithçka rreth karrierës së mëtejshme varet nga shëndeti i tyre. Nëse Bekami nuk do të ketë lëndime në të ardhmen, atëherë sigurisht se do të luajë edhe në Botërorin-2010", ka shtuar strategu italian.

Çelzi mposhti "djajtë e kuq", mbetet në luftë për titull

Sot janë zhvilluar shtatë ndeshje të javës së 36-të të Ligës Premiere. Në derbin e javës, Çelzi ka shënuar fitore në "Stamforde Bridge" ndaj Mançester Junajtedit, me rezultat 2:1 dhe në këtë mënyrë dy javë para mbylljes së kampionatit është barazuar me pikë me "djajtë e kuq", duke e bërë titullin e kampionit të paqartë.
Skuadra e Mançester Junajtedit edhe më tej ka përparësi të madhe drejt titulit, ngase i mjafton të shënojë fitore në dy ndeshjet e ardhshme për ta festuar titullin, ngase në Ligën Premiere në rast se skuadrat kanë pikë të njëjta, atëherë vendos gol-dallimi, ku "djajtë e kuq" janë bindshëm më të mirë. Të dy golat për Çelzin i shënoi gjermani Mihael Ballak, në minutën e 45-të me gjuajtje me kokë dhe në minutën e 85-të nga penalltia, derisa golin e barazimit të përkohshëm për Mançester Junajtdin e realizoi Uejn Runi.

Rezultatet
Çelzi - Mançester Junajted 2-1
Birmingem – Liverpul 2-2
Mançester Siti – Fulham 2-3
Sanderlend – Midëlsbrou 3-2
Totenhem – Bolton 1-1
Uest Hem – Njukasëll 2-2
Uigan – Riding 0-0

Kaka: Lojërat e mia më të mira do të vijnë

Futbollisti më i mirë për vitin 2007, braziliani Kaka, mendon se lojërat e tij më të mira do të vijnë së shpejti dhe ka theksuar se ende nuk e ka arritur kulmin e tij.
"Mendoj se koha ime po vjen. Viti i kaluar ishte fantastik, por mendoj se ende mund të përparojë si teknikisht ashtu edhe fizikisht. Dua që në tërësi ta plotësojë potencialin tim deri në Kampionatin botëror-2010. Atëherë do të jem 28-vjeç dhe do të jem në kulmin e karrierës. Mendoj se ky do të jetë një aktivitet i shkëlqyeshëm i Brazilit dhe një vend për t'u dëshmuar talentet e rinj", ka theksuar Kaka. "Në futbollin e sotëm problemi më i madh janë lëndimet, ngase ka ndeshje të tepërta. Kur trupi më nuk mund të durojë ngarkesën vjen deri te lëndimi", ka vijuar braziliani. Sa i përket paraqitjes së tij në Lojërat Olimpike në Pekin, Kaka ka thënë se për këtë do të vendos Milani. "Është një motiv i madh ta fitosh medaljen e artë olimpike, mirëpo a do të luaj apo jo në Pekin, kjo nuk varet prej meje. Një gjë të tillë do ta vendosin drejtuesit e Milanit", ka përfunduar Kaka.

Torres: Benitezi ka merita për suksesin tim në Ligën Premiere

Sulmuesi i Liverpulit, Fernando Torres në një intervistë për të përditshmen britanike "Daily Star" ka thënë se përkushtimi i pashoq i trajnerit Rafael Benitez është më meritori për suksesin e tij të arritur në Ligën Premiere.
Sulmuesi spanjoll, ka shënuar deri më tash 30 gola në edicionin e tij debutues në fanellën e Liverpulit. ”Rafa Benitez i kushton shumë vëmendje detajeve, siç janë vrapimet, por edhe punës me top. Të gjitha këto gjëra ai i praktikon njëherë në fushë, pastaj i fut në kompjuter”, ka theksuar Torres. Ai ka bërë të ditur se tregolëshin e parë në karrierë e ka realizuar në Liverpul. “Kurrë më parë nuk kisha arritur të shënoja tre gola në një ndeshje, por këtë e bëra te Liverpuli. Para se të nënshkruajë kontratën me Liverpulin, Benitezi më ka shpjeguar se si do të luajmë, cilat janë synimet e skuadrës në këtë edicion. Benitezi ka veti të shumta të cilat duhet çmuar”, ka nënvizuar sulmuesi spanjoll.